歌手: 杜聪
ꆀꃅꌺꄿ
ꑲꋦꌣꈚꏾ；ꂽꄓꌳꈄꏾ；ꌩꒆꉀꒆꏾ；ꌟꃅꃪꌠꃅ。
ꆀꃅꌺꄿꑠꂷ
ꎵꃀꌊꉔꄉꍔꅝꇈ
ꃬꃹꂷꀄꃹꑐꌊ
ꎆꃷꅈꉜꄉꀒꀥꑟ
ꁧꐙꑌꑿꌊꁈꀋꄻꃅ
ꉷꃅꎆꎹꁧꂯꌭꀋꄐ
ꆀꃅꌺꄿꑠꂷꑌ
ꎆꎹꎆꐛꉆꎼꈀ
ꃅꑆꉇꄅꅉꁮꀋꆳꀀꅈꇬ
ꂷꇭꃅꏸꋥꅉꇬ
ꋧꃅꈨꏀꋍꇬꇁꌊꆀꃅꉼꏒꀕ
ꅇꈨꉌꌤꋍꇬꉬꎼꈀ
ꉷꃅꎆꎹꎆꐊꁧꅊꇈ
ꆀꃄꌺꄿꑠꂷꑌ
ꆿꍯꌊꁈꈁꅗꄻꈭꐨ
ꃮꆪꐻꒉꋍꍔꌟꃅꈺꍠꀕ
ꆺꑳꏂꃴꑓꁴꋍꄡꅐꇁꂯ
ꀗꀘꑊꀕꆐꀋꉬꅊꇈ
ꅽꌺꍷꆏꐤꎭꏿꏭꐛ
ꅽꑮꌞꑮꐛꁧꋭ
ꅽꎆꌠꌬꁦꈜꁮ
ꆿꆪꏮꁦꏁꄮꆏ
ꆀꃄꌺꄿꑠꂷ
ꃌꐊꌺꐊꋬꂻꈎꏅꇬ
ꏂꅪꈬꏣꁌꏭꐛ
ꆀꃄꌺꄿꇆ
ꌺꉙꇖꂘ
ꆀꅇꂷꋶꒉꑵꄸ
ꎆꎹꀊꌳꄈꑌꍑ
ꌧꇐꌟꌷꉆ
ꎆꎹꎆꊌꎆꊭꄎꌠꐥ
ꆀꃄꌺꄿ
ꅽꁍꅽꀿ
ꆎꀨꎹꆽꃴꈀꎭꀕꄉꌠ
ꁧꄩꌨꏾꏁꇰꃲ
ꇉꅶꂸꃃꆴꅈꊯꅉꃅ
ꆎꑌꇯꂷꅀ
ꅽꋚꆏꋠꉘꁇꁉ
ꅽꃢꆏꈚꊷꆣꀕ
ꅽꏣꅽꑟꉌꑟꉁꄲꀕ
ꊿꐥꋍꍂꌠ
ꑞꂄꑞꄸꆏꐙꐚ
ꅽꎆꆏꎹꈀꄸꁵ
ꅽꆀꌺꑭꐨꉪꅲꇢꈺꍠꀕ
ꑝꅇꑤꀈꎵꉐꋒꁱ