དབྱངས་རྩོམ་མཁན། ཚེ་རིང་དོན་འགྲུབ།
གཞས་ལེན་མཁན། ཚེ་རིང་དོན་འགྲུབ།
གཞས་ཚིག་སྒྲིག་སྦྱོར། ཡེ་ཤེས་འོད་ཟེར།
འདི་ནས་ཡར་ལ་བལྟས་པའི་ཕ་ཡུལ་གྱི།།
སྐེ་རྒྱན་གཡུ་བྱུར་བཏགས་པའི་བུ་མོ་དེ།།
གླུ་སྐད་རྫ་ཆུ་འདྲ་བའི་བུ་མོ་དེ།།
སེམས་ཀྱི་སྒོ་གླེགས་རྡུང་བའི་མགྲོན་པོ་ཡིན།།
ཨ་ལ་རོགས། ཆུང་ལ་ཡེ། ཆུང་འདྲིས་ལ་རོགས།
ཉི་ཟླ་རྣ་ལོང་ཡིན་པའི་རྩྭ་ཐང་གི།
བྱམས་ལ་བརྩེ་བ་འཁྱིལ་བའི་བུ་མོ་དེ།།
གཤིས་ཀ་བལ་དཀར་འདྲ་བའི་བུ་མོ་དེ།།
ཡིད་ཀྱི་རི་ཚོགས་ཉུལ་བའི་ཡུ་མོ་ཡིན།།
ཨ་ལ་རོགས། ཆུང་ལ་ཡེ། ཆུང་འདྲིས་ལ་རོགས།
མེ་ཏོག་ཟེ་བ་ལྡེམ་པའི་འབྲོག་ཐང་གི།
མིག་ཟུང་མཆོང་ཁྲ་འདྲ་བའི་བུ་མོ་དེ།།
ཤ་རྩ་དམར་སྨུག་ཡིན་པའི་བུ་མོ་དེ།།
ཨ་འཇམ་ཚ་རུའི་ནང་གི་དྲན་ཤིང་ཡིན།།
ཨ་ལ་རོགས། ཆུང་ལ་ཡེ། ཆུང་འདྲིས་ལ་རོགས།
ཨ་ལ་རོགས། ཆུང་ལ་ཡེ། ཆུང་འདྲིས་ལ་རོགས།